ليه شعرك لسة هايش حتى بعد ما تصففيه؟
عملتي شعرك وبرضه لسه هايش؟
لو شعرك بيبقى منفوش أو شكله مش متساوي بعد التصفيف بساعات قليله، المشكلة غالبًا مش في شعرك. المشكلة في طريقة التصفيف أو الأدوات اللي بتستخدميها.
الحقيقة إن ناس كتير بتستخدم أدوات أو طرق غلط بتسبب هيشان، تلف، ونتيجة مش متساوية.
-
مش بترطبي شعرك قبل ما تعمليه
من أكتر الحاجات اللي بنات كتير بتغفل عنها هي استخدام leave-in خفيف وغير دهني قبل الحرارة. لما الشعر يكون ناشف و جاف، الحرارة بتخليه شكله هايش وخشن بدل ما يبقى ناعم.
إستخدام الleave-in بيساعد على ترطيب الشعر، حماية الشعر أثناء التصفيف، وتحسين النعومة واللمعان. المهم تختاري نوع يكون خفيف ومش دهني عشان شعرك مايبقاش مزيت.
-
بتستخدمي أداة تصفيف غلط
مش كل أدوات التصفيف زي بعض. الأدوات اللي من غير تكنولوجيا الأيونات بتزود الكهرباء في الشعر وبتخليه هايش. الأيونات السالبة زي اللي في أجهزة stanvi بتساعد تنعيم الشعر وبتقلل الهيشان فورًا.
3. مش بتصففي الشعر من الجذور
من أكتر الأخطاء الشائعة إنك بتركزي على الأطراف بس. ده بيخلي الشعر شكله مش متساوي: يا إما منفوخ من فوق أو هايش من تحت. لازم أداة التصفيف توصل للجذور كويس عشان تديكي نتيجة متكاملة.
4. استخدام الحرارة على شعر مبلول
استخدام حرارة على شعر مبلول جدًا ممكن يسبب تلف وهيشان. الأفضل يكون الشعر ناشف بنسبة 80% قبل التصفيف.
5. توزيع حرارة مش متساوي
الأدوات الضعيفة بتوزع الحرارة بشكل غير متساوي، وده يسبب تلف في أجزاء وأجزاء بتفضل مش متصففة كويس.
عشان كده مهم تكون الأجهزة مطلية بسيراميك التورمالين أو تكنولوجيا النانو تيتانيوم.
الهيشان مش حاجة لازم تتقبليها بالعكس! هو حاجة تقدري تتحكمي فيها. بمجرد ما تختاري الطريقة الصح والأداة الصح، هتلاقي التصفيف بقى أسهل وأسرع بكتير.
دلوقتي في أدوات بتعمل أكتر من حاجة في نفس الوقت: تنشيف + فرد + تنعيم. زي الأدوات اللي بتقدمهالك Stanvi
ده بيوفر وقت ومجهود، وبيديكي نتيجة أحسن من غير ما تجهدي شعرك.
مشاركات ذات صلة
